Shillong, Iaiong 21: Bah Process T Sawkmie MLA jong ka Mawlai u la ong ba u ai ka jingkyrshan ia u myntri ka PWD u Bah Prestone Tynsong ba u la lah ban weng noh ia u kontraktor ba pyntrei ia ka surok Mawlai By-Pass namar ba u la pynslem palat ban pyndep ia katei ka surok kaba don kam haduh katta katta.
U Bah Sawkmie u la ai khublei kyrpang ia u myntri rangbah ka jylla u Conrad K Sangma myntri rangbah ka jylla u ba la bat ia la ka kular kumba la ia kren hapoh iing dorbar mynta ka sngi u la leit ban jurip da la de ia kane ka sruok Mawlai By-Pass.
Ha kane ka dorbar mang tyngka kaba dang shu dep shen na ka liang jong MLA jong ka Mawlai u la dawa hapoh ka iing dorbar ba la dei ban weng noh ia u kontraktor ba pyntrei ia ka Mawlai By-Pass ruh hap ban leh namar ka jingtrei kala suki sha ba palat.
U MLA jong Mawlai u ai khublei kyrpang ia u myntri rangbah synbud u ba la shim khia ia kane ka kam bad weng noh ia u kontraktor, na ka liang jong u Bah Sawkmie u la ong ba u kwah ban iohi ba kane ka suok ka dei ban dep noh kloi lan.
