Shillong, Rymphang 02: ka kong Violet Lyngdoh MDC jong ka seng BJP mynta ka sngi kala rung sha ka party NPP ha dien ba ka la duh tiket ban ia khun ia kane ka election MLA ka ban long ha ka 27 tarik mynta u bnai.
Ia ka kong Violet la pdiang sngewbha sha ka party NPP da u president jong ka seng u Dr WR Kharlukhi ha ka jingiadon lang ki nongkit kam jong ka party. Ha kane ka juh ka sngi la ai ia ka tiket na ka NPP sha ka kong Violet ban ia khun ia kane ka MLA Election na ka 6- Khliehriat Assembly constituency.
Ka kong Violet kala pynpaw ia ka jingsngewnguh ia ka seng NPP kaba la pdiang ia ka sha ka party bad ha ka juh ka por kala ai ruh ia ka tiket ban ia khun ia kane ka MLA Election. Na ka liang jong u National President jong ka seng NPP u Conrad K Sangma u la ai khublei ia ka ia kane ka jingwan pyniasoh sha ka party.