Ba khlem shna ka sorkar ia ka skul ba pynra ka Assam ha Umwang da ki tin iarap ka KSU

Shillong, Naiwieng 03: Ka LP School hapoh jong ka shnong Khlieh Umwang kaba la shah pynra ha ki bor jong ka sorkar Assam na u Nailar jong u snem 2018 kala shusah khlem don ba peit na ka liang jong ki nongmih khmat len na ka liang jong ka sorkar Meghalaya.

Ban ia iarap ia ki briew jong ka tei ka shnong ha kaba ia dei bad katei ka iing skul ha ka sngi Saitjain ka seng KSU na ka seng kmie bad na ka North Khasi Hills Unit kila leit sha katei ka shnong Khlieh Umwang hapoh jong ka Ri Bhoi District ban noh syniang da ki Tin sop iing ban maramot biang ia ka skul kaba la shah pynpra.

Kane ka shnong Khlieh Umwang ka hap hapoh jong ka Raid Nongtung. Ia kane ka skul kum ban shu pynkynmaw la leit ban pynpra noh daki pulit ka sorkar Assam ha u bnai Nailar ha kaba haduh mynta ym shym la don kano Kano ka jingpeitkhmat naka liang ka sorkar ban leh eiei khnang ba kan long ka ba bit bha biang na bynta ki khynnah skul jongka thain baroh kawei.

Ha kane ka jingleit ai jingiarap ha katei ka skul la ialam da u samla Redyonstone Nongrem Chairman Education Cell KSU Sengkmie , u samla Pynshai Rani  Secretary, Education Cell KSU Sengkmie, u samla Forwardman Nongrem, u samla James Mawphniang ki dkhot jong ka CEC seng kmie, u samla Banjop Maring  Nongialam ka KSU North Khasi Hills District.

Ki  nongialam ka KSU Raid Nongtung Circle bad ki dkhot ka seng napoh ka thain. La iadon ryngkat ruh ha kane ka sngi da u samla Frederick Kharmawphlang  Vice President barim ka KSU Sengkmie kum u kongsan Nangta ki nonghikai, ki khynnah skul, ki nongialam ka Managing Committee jong kane ka skul lem bad kiwei kiwei.

Haba kren haka jingialang naka liang jong ki nongkren ki la kynthoh halor ka jingshim sting jong ki nongmihkhmat bad ruh naka liang jong ka sorkar namar mynta la shisnem tam kim shym pat la leh eiei ha kaba Kane ka skul namar ka jingshah pynpra haki pulit ka sorkar Assam naduh mynshem snem mynta ka la shu ieng malu mala khlem ka jingker ba biang bad ka khamsniew bunshah ruh ban iaka sem masi.

U samla Banjop Maring uba dei u nongialam jong ka KSU North Khasi Hills District u la iathuh ba naka liang ka KSU North Khasi Hills District lem bad ka KSU Seng kmie kila dep iakynduh bad kren bunsien la ka long iaka DC jong ka Ribhoi District, ia u District School Education Officer bad ym tang katta kila wan ban iakynduh ruh ia u bah Lahkmen Rymbui, Education Minister jong ka sorkar jylla hynrei ka jingbym shimkhia jong ki ban pynbeit ne leh ia kaba donkam kim banse ban wan noh synniang da ki tim kum ka bor barit jong ka Seng.

Naka liang jong u samla Redyonstone Nongrum Chairman Education Cell jong ka KSU Seng kmie u la maham tyngeh ba lada ” Ki bor pulit Assam ki iai bteng ban wan thombor iaka Jaitbynriew, ka seng ruh ha kawei ka por kam banse ban hap pyrkhat ban leh ia kaba donkam kampher la ka long da kano kano ka lynti ruh ” .

Naka liang jong u samla Frederick Kharmawphlang u la kyntu iaki paitbah ka dong ka thain ban iatylli bad pynskhem ruh iaka jinglong trai hala ka ri da kaba ong ” Ngim dei ban Pdiang iaka ktien Block I, Block II ne ba ka dei ka jaka ba iaknieh Namar lada Ngi Pdiang ia kita ka paw ba ngi Pdiang ba ka dei ka jaka ia kajia. Kumba ki dei ki trai kane ka khyndew ki dei ban pynskhem ia Kata ka jinglong trai da kaba ngin nym pdiang ba ka dei ka jaka ia kajia ”

 

What Next?

Recent Articles

Leave a Reply

Submit Comment

*