Shillong, Naitung 06: Ka kynhun ki MDC jong ka People Democratic Alliance (PDA) hapoh jong ka KHADC mynta ka miet kila leit ban ia kynduh ia u Myntri rangbah ka jylla u Conrad K Sangma bad kane ka jingleit ia kynduh ka long ba ki kwah ban weng noh ia u Bah Pynshngianlang Syiem na ka kam CEM hapoh jong ka Khasi Hills Autonomous District Council.
Ha kane ka Executive Committee jong ka PDA hapoh jong ka KHADC ia kaba la lam da u Bah Pynshngianglang Syiem , ki seng ki kynthup ia ka party PDF, Congress, UDP, HSPDP bad ka NPP. Katkum ki jingtip kiba la ioh ha kane ka jingleit ia kynduh ia u Conrad Mytnri Rangbah ka jylla u CEM jong ka KHADC yms hym la don lang.
Na ka liang jong ki MDC kiba la leit ban ia kynduh ia u CEM mynta ka sngi, kila jied ia u bah HS Shylla ban long u nongialam ka jong ki bad la ai bor ruh ha u bah Shylla ba un kren sha ki lad pathai khubor ia kaei ka jingmih na ka jingiakren bad u myntri rangbah ka jylla u Conrad K Sangma.
Katkum ki jingtip kiba la ioh ha dien ka jingiakynduh bad u myntri rangbah ka jylla ki MDC kiba la leit ban ia kynduh ia u Conrad kila pynlong ia ka jingialang bad haba u SP News Agency u la phone sha u Bah HS Shylla ban tip kaei ka jingmih na kane ka jingiakren ym shym la lah ban ioh ban ia kren. Haba la ia kren bad kiwei ki MDC kiba la leit lang sha kane ka jingiakynduh kila ong ba la jied ia u Bah Shylla ban kren sha ki lad pathai khubor.
Kiwei pat ki lad khubor ki iathuh ba ha kane ka jingleit ia kynduh jong ki MDC ia u myntri rangbah ka jylla mynta ka sngi ka long ban dawa ba dei ban khot ia ka dorbar ba kyrpang hapoh jong ka KHADC. kaei ka jubab na ka liang jong u myntri rangbah halor kane ka jingdawa ym shym la lah ban tip shai.
