Shillong, Jylliew 29: Mynta ka sngi ka kynhun Pynthorumkhrah Flood Control Committee (PFCC) hapoh ka jingialam jong u bah PN Syiem mynta ka sngi kila leit ban ia kynduh ia u Bah Brolding Nongsiej myntri ba dei peit ia ka Water Resources ban ai ia ka dorkhas halor ka jingshlei um ha katei ka thain man ka por slap.
Haba kren ha ki lat ptahai khubor ha dien ka jingiakynduh ia u myntri ka sorkar, la iathuh ba ha kane ka jingiakren bad u myntri sorkar ka long kaba shai namar la sngewthuh ba tang shu slap khyndiat la shlei um.
La iathuh ba kane ka jingshlei um, ka dong Langkyrding, Nongmynsong, ka dong kadiang nongmynsong, Block 1, Block V ka shnong Langkyrding, Block 1 bad Block V jong ka Pynthorumkhrah dang slap 15 20 minit kala shlei um.
Ha kane ka jingslei um ka ktah ia ki nongrep kiba rep hapoh ka dong Langkyrding bad Pynthor bad teng teng ha ka por shiteng miet la hap ban phet lada ymphet lah ban mynsaw bad ha kane ka jingphet ka wan rah ia ka jingduh ia ki jingon jingem bad ki don ki jaka kiba la rit ka um ka khlain bha bad kane ka long kaba ima shisha ia ki khynnah.
Ha kane ka jingiakren u Myntri u la iathuh ia kane ka kynhun ba ka don ka skhim kaba la pynkhreh da ka sorkar ha kaba ia dei bad katei ka thain na ka Ministry Water Resources kala don ka skhim ia kaba ki khot ka Pynthorumkhrah Flood Control project, hynrei namar ba ki kyndon don kam bun ka jaka bad mynta ki dang peit bniah ia kane ka skhim.
Na ka liang jong u myntri u la iathuh ba ka don ka River Rejuvenation Committee ha kaba u PCCF u la ong u Chairman ha kaba kila ia don lang ruh kiwei ki tnad sorkar na ka bynta ka wah Umkhrah bad Umsherpi kumba la bthah da ka NGT, na ka liang jong u myntri sorkar u la ong ba un sa bthah ban khot ia kane ka jingialang ban ia kren ha kaba ia dei bad kane ka bynta.
Ka jingphah khot ia kane ka jingiakren ka long ba ki tnad sorkar kin ioh ban ia kren, u Bah Pynshngian MDC u la ong ba lada ka sorkar ka ia kren ia kane ka jingshlei um ha Shillong ka Wah Umkhrah ka dei ban wan sha khmat eh ban iada na ka jingshlei um.
