Shillong, Naitung 30: Ka jingiakhih Garkhaland ha Darjeeling da ki jaidbynriew Garkha kala khi im biang mynta, ha kane ka nongbah Shillong ki Gorkha kiba sah ha kane ka jylla Meghalaya mynta ka sngi kila pynlong ia ka jingiaid paidbah ban kyrshan ia katei ka jingdawa Gorkhaland.
Ia kane ka jingiaid paidbah la sdang na madan jong ka skul Gorkha Patshala, kila iaid sawdong kane ka nongbah Shillong da kaba rah ruh ia ki jingthoh ban pynpaw ia ka jingdawa Gorkhaland bad ki ruh kiba shong sah ha kane ka jylla Meghalaya ki kyrshan ia kane ka jingdawa, kaba hap mynta hapoh ka jylla West Bengal.
U president jong ka Meghalaya Gorkha Parishad u CM Adhikari, u la ong ba ka jingpynlong ia kane ka jingiaid paidbah mynta ka sngi ka long ban ai ka jingkyrshan ia katei ka jingdawa Gorkhaland ha Daejeeling ha kaba kila dawa ban ioh la ka jong ka jylla da kaba khlad na ka jylla West Bengal.
U Adhikari u la ong ba kane ka jingpynlong ia kane ka jingiaid paidbah mynta ka sngi kam dei tang ha kane ka nongbah Shillong hynrei ha ki 150 tylli ki jaka jong ka pyrthei ha ki san tylli ki dewbah jong ka pyrthei. Na ka liang jong ki bor ba dei peit ia ka District administration kila ai jingbit na ka bynta kane ka jingiaid paidbah kaba jai jai.
Ha kane ka sngi da ki spah ngut ki paidbah kiba dei na ka jaidbynriew Gorkha kila ia mih bad kynthei bad shynrang, tynmen bad samla ban iaid paidbah ban pynpaw sha ka pyrthei ba ki dawa ban ioh ia ka Gorkhaland ha Darjeeling.
