Ban the lakam ia ki kam awaria pynlong jingialang ki pulit bad ki trai iing basa

Shillong, Lber 25: Ban the lakam ia ki kam awaria ha kane ka nongbah Shillong, na ka liang jong ki pulit kila khot ia ka jingalang ia ki trai ba pyniaid ia ki iing basa ha kane ka nongbah Shillong, ha kaba kumba 125 ngut ki trai kila ia poi sha kane ka jingialang.

Ban pynlong ia kane ka nongbah Shillong kaba shong shngian, ha kane ka jingialang bethah ia baroh ki trai kiba don ia ki iing basa ba kin buh ia ki CCTV ha ki iing basa jong ki, ki dei ban pynbiang ia ka bui, ban buh ia ki identity card jong kiba wan sah, dei ban phah ia ki kot ki sla sha ki police station kaba ki hap.

Na ka liang jong ki trai ruh kid ei ban da don ia ka jingtip kaba bniah bad buh ia ki kot ki sla jong ki nongtrei bad dei ban ai ia ki sha ki police station kaba ki hap, ki trai ki dei ban ithuh kino kiba wan tang ban leh ia ki kam awaria hapoh ki iing basa jong ki. Ha kane ka sngi la ia kren ruh ia ki kundon ain aiu kan jia lada ki pynkein ia ki kyndon.

Ia kane ka jingialang la kren bad pynshai da u Inspector M.N. Khan, Officer In-charge, Laitumkhrah police station, ha kaba ia dei bad ki ain ban pyniaid ia ki iing basa la pynshai da u K. Prasad, MPS. Dy. Superintendent jong ki Police (Hqr), East Khasi Hills, Shillong. Na kaliang jong ki trai jong ki iing basa la kren da u  Paramvir Singh, ha kaba u la ong ba don kam ia ka jingtreilang na baroh ar liang. u Superintendent ki  Police, East Khasi Hills, Shillong u Davis N R. Marak, IPS u la ban jur ban ialeh ban pynlong ia kane ka nongbah shillong kaba don ia ka nam kaba bha.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet