Ban thulmur ka jingniah kali, ioh lum ki pulit na kaba dain kuna palat 13 lak tyngka

Shillong, Jymmang 17: U superintendent ki pulit ba dei peit ia ka jingpyniaid kali hapoh kane ka nongbah Shillong la ong ba namar ka jingthulmur palat ki nongiah kali da kaba pynkhien ia ki kyndon jong ka MV Act, ki pulit kila ioh lum ia ka kuno haduh T.13,31,730/- tang ha u bnai Iaiong.

La iathuh shuh shuh ba ha u bnai Lber ki pulit kila ioh lum ka kuna na ki nongniah kali kiba la pynkhein ia ki kyndon ain ka long T. 6,65,450/-. Na ka liangjong ki pulit pyniaid kali kila ia leh ban pynbeit ia ka rukom iaid jong ki kali ha kane ka sor shillong hynrei dang bun bah ki briew ki leh bymslai da kaba pynkhein ia ki kyndon kiba la buh katkum ka MV Act.

Ka jingdain kuna na kaba pynieng ia ki kali ha ki jaka bym dei ka long na ki 509 tylli ki kali, 172 tylli ki kali kiba iaid na  ki jaka bym dei ban iaid, 559 kiba niah khlem teh ia u blet, 42 tylli ki kali kila shah dian kuna namar ki nongiah kila buaid kyiad, 279 kiba niah kali khlem laisen, 19 ki bym biang ki permit kali, 49 kiba niah khlem helmet bad kitei baroh ki dei ki jingpynkhein ia ki kyndon ain jong ka MV Act.