Shillong, Jymmang 10: U Chief Secretary jong ka jylla Meghalaya u M S Rao u la phah da ka shithi sha ki kynhun shipai kiba don hapoh jong ka jylla Meghalaya kiba don ktem ha Shillong ban pan ia ka jingiatreilang bad ka sorkar jylla ha dien ba la iohi ia kaei kaba jia ha ka jylla Tripura ha kaba bun ki shipai Border Security Force kila ioh pang COVID-19.
U Chief Secretary jong ka jylla u la thoh da ka shithi sha ki kynhun shipai kiba don hapoh kane ka nongbah Shillong ban pan ia ka jingiatreilang bad ka sorkar ban iada na kane ka khlam COVID-19 ha ka jylla Meghalaya lada jia ba lap ba ioh shudon kiba shitom ha kane ka jylla.
U Chief Secretary haba jubab ia ka jingkylli jong u SP News Agency hato kadei shisha ne em ba la dep ban phah ia ka shithi na ka liang jong u ka sorkar sha ki kynhun shipai ba don ha Shillong u Chief Secretary u la ong Hooid ka dei.
