Shillong, Rymphang 08: Baroh ki kyrtong ki ban ia khun ia ka MDC ilekshon 2019 sha ka iing dorbar thawain jong ka JHADC ki don 65 ngut, kine ki long kiba la bit la biang baroh ki kot ki sla ha dien ba la dep ban bishar bniah ia ki da ki returning ophisar.
Katkum ki lad khubor kiba la lah ban ioh la ong ba baroh ki kyrtong kiba la thep kyrteng hapoh jong ka JHADC yn shym don mano mano ruh ban shah weng na ka jingiakhun ia kane ka MDC ilekshon bad kino kino kiba kwah ban weng noh ia ka jingiakhun ki lah ban weng noh la shai ka sngi shuwa ka por lai baje.