Shillong, Iaiong 30: Mynta ka sngi ka NESFAS bad ka Rural Electrification Corporation (REC) ka kompeni jong ka sorkar pdeng kila ia soi ia ka jingiatehkular ha kaba kane ka kompeni sorkar kan bei pisa ia ka NESFAS T.9.41 klur tyngka na ka bynta ban pyntrei kam ia ka skhim “No One Shall Be Left Behind” kaba ynsa pyntrei ha ki ar tylli ki jylla, ka Meghalaya bad Nagaland.
Ia kane ka jingiatehkular la ia soi da u Bah Phrang Roy Chairman jong ka NESFAS bad u P V Ramesh Chairman ka REC. Ka jingthmu jong kane ka skhim ka long ban hikai ia ki nongyndong ba kumno ban pynneh pynsah ia ki bam tynrai iaki 3000 tylli ki long iing jong ki 130 tylli ki shnong jong ka jylla Meghalaya bad Nagaland.
Kine ki jingbam tynrai ki long ban kyntiew ia ka koit ka khiah jong ki kynthei kiba la heh la san ha ki nongkyndong bad kine ki jingbam kiba la ioh pateng kin long ki jingbam kiban iarap ia ki kynthei ha ki nongkyntdong.
Ki kynhun kiban ia trei lang ha kane ka kam ki long ka North East Network hapoh ka jylla Nagaland; ka Society for Urban and Rural Empowerment ha Jaintia Hills; Social Service Centre, Shillong and a network of Garo Self Help Groups ha Garo Hills. Ia kane ka skhim la sain dur ha dien ka jingiamir jingmut bad ki 30 tylli ki kynhun jaidbynriew na ki ar tylli ki jylla ka Meghalaya bad na Nagaland.
Ka NESFAS kala leh ia kane ka kam da kaba sdang na ki skul ha kaba la pynkhreh ia ki jingbam ba tei met na ki jingthung kiba mih ha kane ka jylla bad la shem ba kane ka long kaba bha bad ka iarap shibun ia ki samla ba kin ioh ia ka met kaba koit kaba khiah.
