Shillong, Rymphang 10: Ki heh jong ka CBI kiba la wan na Delhi ki dang beteng ia ka jingthoh kit pyrshah ia u Commissioner jong ki pulit ka nongbah Kolkatta haduh mynta ka sngi halor ka jingkynnoh ha kaba ia dei bad ka “Sardha Chit Fund” ka jignthoh kit mynta ka sngi ruh kala neh haduh phra kynta.
Ha kane ka sngi nalor jong u Rajeev Kumar, la wan ialam ruh ia u Kunal Gosh ban tohkit lang ryngkat hapoh jong ka CBI kaba don ha Oakland Shillong, ki thymmei khubor ki iathuh ba ka wan ialam ia u Kunal ka long ba la suba ba u don ka jingtip ha kaba ia dei bad kane ka jingkynnoh halor ka “Sardha Chit Fund”.
Haba ia dei bad kane ka jingtohkit haduh mynta ym pat lah ban tip kei ka jingshem jong ka CBI na kane ka jingtohkit namar la sngewthuh ba ia kaei kaba jia ha kane ka jingtohkit yn nym lah ban iathuh wat la ki nognthoh khubor na kylleng ka Ri India kila wan ban ap sha bar jong ka CBI ophis kaba don ha Shillong.
Na ki lad khubor la iathuh ba kane ka jingtohkit ia u tei u heh jong ka tnad pulit jong ka jylla West Bengal kan dang iai beteng hang ne ha nongbah Shillong kumba la hukum da ka iing bishar ba ha khlieh duh jong ka Ri India.
