Shillong, Nailur 25: U lat jong ka jong ka jylla mynta ka sngi la bethah ba ia ka election ban jied ia u Chief Executive Member (CEM) jong ka Jaintia Hills Autonomous District Council (JHADC) kan long ha ka 27 tarik mynta u bnai ka sngi Balang ha ka por 11 baje mynstep.
U Chairman jong ka JHADC haba kren ha u SP News Agency u la iathuh ba mynta ka sngi kila ioh ia ka jingbethah na u Lat ka jylla ba ia ka election ban jied ia u CEM ba thymmai jong ka iing dorbar JHADC kan long ha ka 27/09/2017. Ka iing dorbar kan long ha ka por 11 baje mynstep.
Da kane ka jingbuh sngi jong u Lat ka jylla ban jied ia u CEM ba thymmai jong ka JHADC, na ka liang ka ophis jong u Chairman jong ka JHADC kala pyntip ba lada don mano mano ba kwah ban ia khun ia kane ka election CEM hapoh jong ka JHADC ki lah ban thep ia ka nomination jong ki bad ki lah ban pynpoi ia ka nomination shuwa ka shibaje la shai ka sngi.
