Shillong, K.Lyngkot 25: Ki bor pyniaid jong ka NEIGRIHMS ha ka 22nd Kyllalyngkot 2022 kala pynmih ia ka jingbthah kumba la mynjur da ki bor kiba halor ba ki nongtrei baroh la khmih lynti ba kin ai Tika ban iada na kane ka jingpang COVID-19.
Na ka liang jong ki bor pyniaid jong ka Hospital kala pyntip ruh ba na ka bynta kito kiba khlem pat ai Tika ka jingtest na ka bynta ki nongtrei ka long ba kin nym ioh ei hynrei ki hap ban da siew pisa.
Kito ki nongtrei kiba khlem pat ai Tika ki hap ban pyni ia ka RTPCR test man ka 72 kynta ban kin rung sha ki jaka trei na ka bynta ka jingshngian ka jong ki hi namar ba ka NEIGHRIHMS hospital la niew kum ka jaka ba lah ban ia bit ia kane ka jingpang.
Ia kane ka jingbthah la pynmih bad soi da u Prof C. Daniala Medical Superintend, ia kane ka jingbthah la pyntip ruh sha baroh ki shnat treikam ka Hospital.
