Shillong, Naiutung 10: U Lamphang ka iing dorbar thawain ka jylla u bah Metbah Lyngdoh ha ka sngi ba plie ia ka ophis jong u District Transport Officer jong ka Eastern West Khasi Hills District ha Mariang la bthah ia ki ophisar ba kin peit bad teh lakam ia ka jingpynher sted ki kali kiba iaid ha tei ka surok bah 44-E.
Kane ka jingbtah jong u Lamphang ia ka iing dorbar ia ka ophis jong u DTO ba kin peit ia ka jingpynher sted ia ki kali, ka daw ka long ba ymda ki nongniah kali kila dih kila sngew meng bad kaei kaba mih nangta dei ka jingjia ba sngewsih.
Ha katei ka jingialang la pynbna ruh ba ka sorkar kala dep ban ai sa 54 tylli ki post ka ha ka kam pulit, kane ka long ban pynkhlain shuh shuh ia ka jingdon ki pulit hapoh kane ka District kaba thymmai ia kaba dang plie ha ka 10th Naiwieng 2021.
Ka jingdon shuh shuh jong ki pulit hapoh ka District ka long kan iarap shibun ban kham pynsuk ha ka jingtrei kam ban peit ia ka bha ka miat jong ka District baroh kawei, ka jingduna briew ka pyntohkeh ia ki jingtrei kam.
