Shillong, Nohprah 17: Mynta ka sngi ka Chief secretary jong ka jylla ka kong R V Suchiang kala pynmih ia ki kyndon ban rakhe ia ka Khristmas bad snem thymmai na ka bynta ban iada na ka jingsaphriang ka jingpang COVID-19, ha kaba baroh ki nongpyniaid ki hap ban but ryntih ia ki kyndon.
Ki kyndon kiba la buh ka long barabor ki nongpyniaid ki dei ban bud ryntih ia ki kyndon kiba la pynmih da ka sorkar bad kiwei kwei ki bor, kane ka jingbthah kan trei kam ha baroh kito ki jaka kiba la ithuh kum ki jaka ba don kiba shitom COVID-19 hapoh ka District.
Kane ka jingpynbna ka sorkar kan kdew kyrpang ia baroh ki jingbut ryntih kiba hap ban bud ha kane ka jingleh kmen Khristman bad ha ka jingleh kmen snem thymmai, kane ka long ban iada ia ka jingsaphriang kane ka jingpang COVID-19, ia ki kyndon la pynkhreh ha dien ka jingiamir jingmut bad kiba bun balang.
La bthah ba kito kiba la 65 snem, kiba don ia ki jingpang, kiba armet bad ki khynnah la kyntu ba kin shong ha la ki iing ki sem, la bthah ba tang kito kiba la dep ban ai tika baroh ar sien kin leit ban ia shim bynta ha ka jingleh kmen, ki nongpyniaid la kumno kumno ki dei ban dep ai Tika shisien, baroh dei ban bud ia ki kyndon kiba la buh.
Ki paidbah ki dei ban bud, dei ban don ka jingpynia jngai 5 phut, dei ban deng jignda khmut, dei ban Sait kti, dei ban da haba synriah, dei ban sngewthuh ia lade ha ka koit ka khiah, ym dei ban biah pathar bad dei ban buh ia ka Setu App.
Ia ka jinglehniam Khristmas bad ka jingpeit miet snem thymmai dei ban but ia ki kyndon kiba la dep ban pynbna ban iada na ka jingsaphriang kane ka jingpang COVID-19 kaba la pynmih ha ka 13/8/2021, la shah ban pynlogn ia ka jingmane blei ha ki iing mane bad la shah tang 75% na kiba wan jingiaseng.
La shah ban iaid Karol tang ba hap ban bud ryntih ia ki kyndon kiba la buh, na ka bynta ka jingbam khawai la shah da kaba hap ban bud ryntih ia ki kyndon kiba la buh ki balang ki hap ban shim ia ki lat ki lynti ban pynthikna ba dei da peit bniah ia kiba wan sha ki jaka jingiaseng.
La weng ia ka Korphiew miet ha ka miet 24, 25 bad 31 tarik, kane ka long ban ailat ia ki briew ba kin leit ban ia shim bynta ia ki jingiaseng miet, la bthah ba baroh kito kiba pynlong ia ki jingiaseng meit ha ka meit Khristmas bad Snem thymmai dei ban da shim jingbit na ka ophis jong ki Deputy Commissioner.
