Shillong, Kyllalyngkot 09: U bah DD Lapang mynta ka sngi u la buh ia u Mawnongrim ban tei ia ka iing
Seng Khasi Riwar Mihngi Cultural Hall ha Pynursla. Ha ka jingkren u tei u nongialam jong ka seng Congress u la ong ba ia ka jingangnud jong ka Seng Khasi Riwar Mihngi la lah ban pynurlong mynta ka sngi.
U la ong ba da ka jingdon jong kane ka iing yn lah ban ai jingiarap ia ki briew ha katei ka thain. Ha kane ka sngi u bah Lapang u la pynkynmaw ia ka jingnoh syniang jong u bah Dibir Lyngdoh u Captian William Sangma ha kaba kila lah ban pynioh ia ka jylla Meghalaya bad ha kane ka sngi u la pynkynmaw kyrpang ruh ia u bah Maham Sing kum u wei a ki riew rangbah ka seng Khasi u ba la noh syniang ha kiba bun ki liang.
Kiwei kiba la kren ha kane ka jingialang ki long u President jong ka Seng Khasi riwar Mih Ngi, u bah bad u General secretary u la ai ia ka jingkhien ha kaba ia dei bad ka jingtrei kam jong ka seng naduh u snem 1989 haduh mynta. La ong ba ki nongshong shnong ka thain ki don 57,570 ngut bad na kine 29,053 ngut ki dang but ia ka niam tynrai bad kane ka iing kan iarap shibun ia ki ha kiba bun ki liang.
