Shillong, Naiwieng 12: U Myntri Rangbah ka jylla u Conrad K Sangma u la buh ia u Mawnongrim ban pyntrei ia ka shim um hapoh ka shnong Mawsmai ha Ri Bhoi District, ia kane ka skhim la tip kum ka Jorabat Combined Water Supply Scheme. Ha kane ka sngi la don lang u MLA u bah Sosthenes Sohtun bad u MDC bah Victor Ranee.
Kane ka skhim ring um kan long ban pynpoi um sha kid aw tylli ki shnong kiba don ha Jorabat bad ki shnong kiba ioh ia ka jingmyntoi kan long ruh ka shnong, Mawsmai, Ampher and Ampangiri, ynda la lah ban pyndep ia kane ka jingtrei baroh ki iing kitei ki shnong kin ioh um ha ki iing ki sem jong ki.
Haba kren ha kane ka jingialang paidbah u myntri rangbah ka jylla u la ong ba lyngba ka skhim Jal Jeevan Mission ka dei ka skhim jong ka sorkar pdeng bad ka thong ka long ban pynpoi um ha kam la ki thliew iing ha ki shnong ki thaw bad ha ka jylla Meghalaya yn pynpoi um ha baroh ki shnong.
Ia mynta la lah ban pynpoi um sha ki ar lak tylli ki thiew iing hapoh ka jylla Meghalaya bad ka sorkar kala buh ia ka thong ban pynpoi ia ka um pipe ha baroh ki thliew ha ka jylla Meghalaya ha u bnai Nohprah 2022, kane kan pynlait ia ki long kmie bad ki khynnah na ka jingleit tong um da kaba iaid bun bun kynta.
Ban pynneh pynsah ia ki tyllong um na ka liang jong u myntri rangbah u la kyntu ia ki paidbah ban pynneh pynsah ia ki khlaw ha ki jaka ba don ka tyllong um bad kane ka skhim kan long kaba ne ba sah namar ban ioh ia ka um don kam ia ki khlaw ban don ha ki tyllong um.
Ha kane ka juh ka sngi u myntri rangbah u la plie ruh ia ka iing basa ha North Eastern Police Academy ha Umsaw, Ri Bhoi District. Ia kane ka iing basa la jer kyrteng da ka ‘Brahmaputra Guest House’ bad kane ka iing ka long ban ai jaka sah ia ki briew kiba wan ban ai jinghikai ha katei ka jaka.
