Shillong, Nailar 30: Ki pulit jong ka jylla ha kine ki sngi kila ioh tam bun tylli ki met iap na kylleng ki bynta jong ka jylla ha kine ki ar sngi lynter.
Mynta ka sngi ki pulit kila lap ia ka met jong u Bah Banshandor Syiem, u ba la thiah ha surok khlem tip briew shuh ha Mawlai Iewrynghep, GS Road, Shillong, la rah ia u sha Civil Hospital ban sumar hynrei u la khlad noh na ka daw jong ka jingmynsaw.
Ha ka 29 tarik mynta u bnai ki pulit kila ong ba u Bah Banmanbha Nongkhlaw ba dang 26 snem ka rta u la iap jyllop ha Um ThumThum ha Mawlai rah sei ia ka met jong u bad la rah sha civil ban leh ia kaba don kam.
Ha katei ka juh ka sngi ki pulitjong ka Williamnagar kila ioh ban tam ia ka met jong u James M Marak ba dang 21 snem na jan jong ka Meghalaya Cooperative Apex Bank Colony, Williamnagar ha East GaroHills ia ka met jong u la rah sha Civil Hospital Williamnagar ban leh ia kaba donkam.
U Bah Standor Lawryniang jong ka shnong Umtyrsen kaba hap hapoh jong ka Nongpoh police station u la ai ka jingujor ba la lap ia ka met iap jong u Bah Warding Warjri ba la 47 snem ka rta na ing sah jong u bad la suba ba u shah pyniap ha ki briew kiba ym lah ban tip, ha kaba ia dei bad kane ki pulit kila kem ia u wei u briew u ba ki suba ba u lah ban donkti hakane ka kam.
