Shillong 3 Jymmang: Ka BJYM Meghalaya ka la kyrshan lang ia ka jingdawa jong ki Rangbah Shnong bad ki seng bhalang ban pynkynriah noh ia ki nongtrei ka Municipal kiba sah ha Them Motor sha kawei pat ka jaka.
Haba pyntip ia kane, u President ka BJYM u Bah Egenstar Kurkalang u la ong ba ka seng ka la iakren kyrpang mynta ka sngi halor ka jinglong jingman ka nongbah bad ka la shim ia ka rai ban kyrshan ia ka jingdawa ban weng noh ia ki nongtrei ka Municiapal na Them Motor sha kawei ka jaka.
U la ong ba na ka liang ka seng, kan sa leit ban iakynduh ia u Myntri Rangbah u Conrad K Sangma, ia u myntri ka tnad ba dei peit ia ka Municipal bad ba kila aid a ka jingthoh ha kaba ia dei bad kane ka jingdawa ka jong ki, la ong u Bah u Bah Egenstar.
