Shillong, Jylliew 19: Ka KSU South West Khasi Hills District, daka jingsngewkhia halor ka jingrung laitluid jongki briew na bar jylla hapoh South West Khasi Hills District bad Mawsynram Block ha kine ki por bad daka jingkhmih lynti ba phin kren lem ban pynbor ia ka sorkar halor kane ka bynta, ngi kwah ban pynsngew bad kyrpad da kana phah Ia ka jingthoh Sha ka MLA bad MDC ka Mawsynram, Mawkyrwat bad jong Ranikor bad Langrin.
Ha ka jingthoh ka KSU South West Khasi Hills District ka sngew ban pyrshah jur halor kane ka jingwanrung jong ki bar jylla hapoh jongka dong ka thain haka kyrteng jongki ” Nongtrei ba la pynbit namar kila lap ba bunsien kane ka dei tang ka shatri ban buhrieh iaka jingthmu ba shisha ban wan rung hapoh ka thain .
Kane ka jingithuh ne ka jingpdiang ka sorkar ia kine ki kyntien Nongtrei ba la pyntbit la iohi ba ka la long kum ka “khyrdop pdiang sngewbha” bad ka la long thik kumba la ” Pynkupbor daka ain ia kata kaba baroh shikatta ngi ju shim kum ka “jingwanrung tuh”. Kane ngi sngew ba kan sa wanrah jingeh iaka thain ha kaba kan don ka jingwan tyllep ki briew ba nabar sha ki thain khappud bad ki juh ki jingma ruh wat ha ki jaka ba dang ia don tang ki trai ri trai muluk.
Ka seng ka la lap ba ki bar jylla ki la pyndonkam bakla ia kine ki kyntien ” Nongtrei ba la pyntbit ” da kaba lyngba kane ki ioh iaka jingbit ban rung suk na ki Bor ba dei peit shapoh ka thain ha kaba ki iohlad ban sdang ruh da kiwei ki kam kumba die jhur bad ban sdang trei ia kiwei ki kam kiba haka jingshisha ym da donkam eh ban ai jingtbit .
Ia kane ka KSU ka lah ban pynshisha da kaba ki dkhot jong ka seng ki la ioh ban bat iaki bar jylla kiba iaid laitluid hapoh ka dong ka thain ha kaba haka jingshisha kam ju don kaba kum kata ka jingwanrung haki snem bad ki bnai ba la dep khamtam haka thain Mawkyrwat bad ha ki jaka khappud.
La ong ba ka seng KSU kam pat lah ban pdiang iaka Standard Operating Procedures ( S.O.P) hapoh South West Khasi Hills District bad Mawsynram Block kumba la pynskhem daka Labour Department lyngba ki jingpynbna ba la pynmih haka 09.06.2020 namar kane ka long kum ka jingplie lynti iaki bar jylla da ki nongaikam hapoh ka thain.
Ka KSU ka dawa na ki MLA bad MDC ba kin kren iaka sorkar ba ha ka jaka ban ” Plie Lynti Bah” kumne iaki bar jylla ka la dei ban pynleit jingmut ha ka ban ” Ai jinghikai ” iaki traishnong ba kin lah ban leh hi noh nangne shakhmat.
Ki ” Highly Skilled Labourers ” bad ka ” Standard Operating Procedures ” jongka Labour Department ,kumba la kdew haneng ” nalor ba kan buh jingma haba iadei bad ka ” Jingwanrung Kyrthlep kiba nabar” ( influx) kan nang pynma shuh shuh iaka dong ka thain haka jingiakhun Corona Virus.l
Ka KSU ka iohi ba ki Nongaikam bad ki bor District kiba ai jingbit kin nym lah ban khanglad iaka jingsaphriang ka khlam COVID 19 naba ngim don ka jingshaniah ba kine ki briew na bar kin lah ban leh iaka ” Home Quarantine ” da kaba bud ryntih ruh iaki jingbthah ka Health Department khamtam haba ki wan sha kane ka thain kaba dei ka ” Jaka Nongwei ” iaki kum ki nongtrei ba wan nabar jylla.
Lada ailad ia kine ki kiei kiei kum ka seng ngi la iohi ba ka long kumba ” Shetkylla ” iaka jingshaniah ki paitbah ka thain kiba la bud ryntih iaka jingbthah ka sorkar bad khlempep ka jingbymlah ban sangeh shwa ban pyntreikam ia kiba kum kine ki ” Rai Laplah ” kan sa buh ka jingma kaba khraw iaka thain na kane ka khlam kaba dang iai pur sted mynta bad kumjuh ruh naka jingma jongka jingwanrung kyrthlep jong ki briew ba nabar.
Da kaba pynshong nongrim halor ka jingsaphriang sted jong kane ka khlam ha kylleng ki jaka ka Ri India kynthup ruh ha ki jylla North East bad da kaba peit thuh ruh iaka jingtlot jongki jaka sumar naduh ki tiar ki tar, ka jingdon jongki jaka sumar bad ka jingduna jongki doctors ne ki nongtrei haki jaka sumar, Ka KSU ka ngeit phin mynjur ba ka thain jongngi kan nym lah ban ialeh ia kane ka khlam lada kan don ka jingkiew sted jong kane ka jingpang ha ki por ban wan tang na ka daw ka jingwanrung laitluid jongki nongtrei barj ylla.
Kumta ka ne ki sngew ka dei ka mat ba ki kum ki Nongmihkhmat ki dei ban kren eiei halor kane ka phang ban khanglad shwa iaka jingwanrung ki nongtrei bar jylla khnang ban pyllait iaka dong ka thain na kino kino ki jingma.
“Halor ki katto katne ki jingkdew bad ki mat haneng, ngi kyntu iaphi ba phin shim kajuh ka jingkitkhlieh da kaba phin leheiei ban khang iaka sorkar ban ailad 
iaka jingwanrung ki briew nabar jylla haka kyrteng jongki ” Highly Skilled Labourers ” , bad ba phin khanglad ruh ia kino ki rai lap lah ba ka sorkar ka la shim na ka bynta ka jingbit jingbiang jongki paitbah hapoh ka thain.
