Shillong, Risaw 12: ka khubor kaba la ioh mynta ka step halor ka jingkhlad kyndit jong u Archbishop Rev Dominic Jala jong ka jylla niam bah Shillong ha ka jingtyngkhuh kali ha Colusa County ha ka jylla California ha America kala wanrah ia ka jingiam briew ha ki paidbah riewngeit jong ka Balang Katholik.
Haba kren ha u SP News Agency, na iing bishop kila iathuh ba ki dang ap jingtip namar haduh mynta kim pat ioh ia ka jingtip ba lano ka met jong u u Archbishop Rev Dominic Jala jong ka jylla niam bah Shillong kan poi sha Shillong, la iathuh ba na iing bishop ruh ki dang ia ap ia kane ka khubor.
Ka jingtyngkhuh kali kala jia ha ka shnong Colusa, ha kaba kawei ka trok kala wan ban tynrah nadin ia ka kali kaba u Arcbishop shong, ha kane ka jingjia u Archbishop Rev Dominic jala u la khlad ha shen bad u wei u phadar Matthew Vellankal u la mynsaw jur bad mynta u don ha Hospital hapdeng ka jingsumar.
Ia u Archbishop Rev Dominic jala la kha ha ka 12/07/1951 ha Mawlai Phudmawri, u la rung sha ka jingiasyllok riewniam Silesian bad la pynkyntang lyngoh ha ka 19/11/1997 bad u la shah jied kum u Bishop bad pynkyntang bishop ha ka 02/04/2000 ban peit ia ka jylla niam bah Archdioceses Shillong.
