Shillong, Nohprah 13: Ka Co-ordination Committee on International Border (CCIB) mynta ka sngi kala leit ban ia kynduh ia u CEM jong ka JHADC u Bah Andrew Shillai, ha kane ka jingiakynduh na ka liang jong katei ka kynhun kala dawa na u CEM ba u dei ban weng noh ia ka No Objection Certificate (NOC) kaba la dep ban ai sha u DC ha kaba ia dei bad ka jingker ksainar shiah ha khappud bad ka Bangladesh.
Ha ka jingthoh kaba la ai da ka CCIB sha u CEM jong ka JHADC, na ka liang jong kane ka kynhun kala ong ba ia ka NOC la dep ban ai da u CEM ba rim jong ka JHADC u Bah Thombor Shiwat sha u DC jong ka West Jiantia Hills District ha kaba ia dei bad ka jingker ksainar shniah.
