Shillong, Lber 28: ka long ka jinduh ka ba khraw ia ki samla pule jong ka thain Pynursla bad Mawsynram namar ka jingkhang khyrdep ia ki lai tylli ki jaka ai jinghikai NCC, ar tylli ha thain Pynursla bad kawei ha Mawsynram tang na ka daw bym don nonghikai.
Haba kren bad u SP News Agency wei na ki nongpyniaid na ka NCC la iathuh ba ia ka ja ka ai jinghikai NCC ha St, Anthony’s High School Pynursla, Seng Khasi High School Langkyrdem bad ka Border College ha Mawsynram ia kine ki ja ka hikai la hap ban khang bym don nonghikai.
Haba batao ia ka daw ba hap ban khangnoh ia kitei ki ja ka ai jinghikai NCC ha kitei ki skul ka long ba ki nongpyniaid skul bad College kim shym la lah ban buh nonghikai kiba dei na ki nonghikai ha kitei ki skul bad College, haba ia dei bad kam hikai ka ophis jong ka NCC ka ai bai hikai hynrei namar ba ka jingiarap ka long barit bun ki nonghikai treh.
Na ka liang jong ka NCC ka kwah ban pyniar ia kane ka jinghikai sha baroh song bad ki thain ban iarap ia ki samla pule ba kin long ki nongshong shnong kiba bha bad ban long kiba kloi ban trei na ka bynta ka ri.
