Ha ka jingiakynduh ia  Myntri Rangbah duh ka Ri u Modi , ialam lang u Conrad ia ka khun

Shillong, Risaw 22: Mynta ka sngi u myntri rangbah jong ka jylla u Conrad K Sangma ha ka jingleit ia kynduh ia u Myntri rangbah duh ka Ri u Narendra Modi, u la ialam lang ia ka khun jong u ka Amara A Sangma kaba dang pule Sanskriti ha Delhi ha ka klass III.

Ha kane ka jingiakynduh bad u Myntri Rangbah duh jong ka Ri u Narendra Modi u myntri rangbah ka jylla u Cornad K Sangma u la kham ban jur ban kyntu ia ka sorkar pdeng na ka bynta ki jingtei kiba ka jylla ka dang don kam shibun khamtam eh na ka bynta ka National Games ha kane ka jylla.

Ha kane ka jingiakynduh, na ka liang jong u myntri rangbah ka jylla Meghalaya u la pynsngew ha u myntri rangbah duh jong ka Ri India ba ka “Ministry of Social Justice and Empowerment”  kala dep ban mang pisa na ka bynta ban shna ia ka jaka ialehkai kaba dang sah mynta ban ai ia ka jingmynjur da ka kabinet.

Ha kane ka jingiakynduh kaba mynta ka sngi u myntri rangbah duh jong ka Ri India u la kyntu ia u myntri rangbah ka jylla ban budien ia ki kshim kiba ynsa pyntrei na ka bynta ka National Games, ka jingtei ia ka iing dorbar thawain jong ka jylla bad ia ka pisa lah ban ioh na ka song pisa ba kyrpang na ka ophis jong Myntri Rangbah Duh jong ka Ri.

Ha kane ka sngi u myntri rangbah ka jylla u la aiti sha u Myntri Rangbah duh jong ka Ri ia ki skhim kiba ka sorkar ka kwah ban pyntrei kiba la kot sha ka shihajar klur. Hlaor kane u Myntri Rangbah duh jong ka Ri u la ai ka kular ba un sa peit ia kane.

Ha kane ka jingiakynduh naka liang jong u Cornad u la khot sngewbha ia u Myntri Rangbah duh jong ka Ri sha Shillong sha ka jingialang “Water Confrence” ban plie ia ka Piggery Mission bad ia ka National Institute Fashion Technology , ia kaba u myntri Rangbah duh u la ong ba un sa ai ktien.

Na ka liang jong u Myntri Rangbah u la batai ha khmat jong u myntri Rangbah duh jong ka Ri ba ha u Naiwieng  ban wan ka kynhun myntri na kane ka jylla Meghalaya kan sa leit sha Bangladesh bad kane ka jingleit ka long ba kyntiew ia ka khaii pateng ha pdeng ka jylla Meghalaya bad ka Ri Bangladesh.

What Next?

Recent Articles

Leave a Reply

Submit Comment

*