Shillong, Nailur 23: U Vice Presdient ka AITC u Zenith Sangma ba dei ruh MLA jogn ka Rangsakona u la ong ba ka jinglong jingman hapoh ka MeECL ka long kaba pynlynga jingmut bha bad ia kane u la juh krem bad buh ka jingmaham ruh ia ka sorkar namar kala leh palat ia ka bor kaba kam lah bad kane kan ialam sha ka jingaiti sha ki riew shimet
Kane kan sa jia mynta khlem dab uh dor la iohi ba kane ka MeECL kan sa ngat ha ka jingkitram , ka sorkar haba juba ha ka dorbar mang tyngka ka jinglut ka MeECL ha ka shibnai ka long T.135 klur katba ka jingmih ka long tang T.71 klur.
Ha kane ka dorbar synrai kaba dang shukut u myntri ba dei pet ia ka tnad sam bor ding u Symbut Myntri rangbah ka jylla u bah Prestone Tynsong la ong ba ka jinglut haka shibnai ka logn T.150 klur bad ka jingmih ka long tang T.75 klur.
U Zenith u buh ka jingkylli mano ban buria sa T.75 klur tyngka man u bnai bad ha ka shisnem kan lot sha ka T.900 klur, u la kynnoh ba ki briew kiba don ha ka bor kila pyndon kam ia ka MeECL kum ka masi khem dud.
Ia mynta kane ka kompnei ka sorkar kala shim ram haduh T.617 klur bad kila pynlong ia ka MeECL ba kan dkoh ka jingtrei kam bad mynta kan nym lah shuh ban ieng da lade bad ka la don ka jingkynnoh ba kane ka sorkar kam shym la don kata ka jingkitkhlieh ia ki paidbah.
U tei u nongialam jong ka AITC u buh ka jingkylli balor ka sorkar kam shym la buh ia ka mat treikam kumno ban pyniaid ia ka MeECL bad balei la thied ia ka light ha ka dor kaba heh haduh T.12/- tyngka shiunit bad kane ka long na ka jingmyntoi jong no u la kylli namar la leh ia kane khlem ka jingbit jong ka MSERC, ka sorkar ka dei ban jubab sha ki paidbah.
Ka jingai jingbit ban lum ka bai light la leh khlem da khot tender, la kynnoh ba kane ka sorkar kaba la ialam da u Conrad K Sangma kala paw ha ki kam kiba ym sngewtynnad bad kiwei ki party kum ka BJP, UDP kiba la ai ka jingkyrshan ia kane ka sorkar bala ialam da ka NPP ki hap ban shim lang ia ka jingkit khlieh.
Haba ia dei bad ka MeECL u myntri rangbah ka jylla lane u Symbut myntri rangbah dei banptynshai paidbah da ka jignthoh khlem da pynslem shuh kane ka dei ka jingdawa jong u MLA ka AITC u Zenith M Sangma.
