Shillong, Nailur 20: U Conrad K Sangma MP ka Tura mynta ka sngi u la ia kynduh ia u myntri ka sorkar pdeng ba dei peit ia ka lynti rel u Piyush Goyal. Ha kane ka jingiakynduh u la kyntu ia u myntri ka sorkar pdeng ba ha ka jingkeing ka ban shna ban pyniasoh ia ka Dhubri na Assam sha Phulbari sha Meghalaya dei ban don lang ruh ia ka jingmang ia ka lynti rel.
Kumba ka long mynta ka jingsain dur ban shna ia kane ka jingkieng ka long beit tang ia ki kali ban iaid, namar bay m pat shna ia ka dei ban buh ruh ia ka mang ban lah ban pyniaid ia ka lynti rel namar kane kan iarap shibun ia ki paidbah kane ka thain khamtam ka North East kaba dang duna ha ka liang jong ki lynti rel.
Ia ka jingkieng ban pyniasoh ia ka Dhubri bad ka Phulbari un trei da ka company JICA, kumta la don kam ban kham pyrkhat jngai ban don lang ruh ia ka lynti rel ha kane ka jingkieng khang ba kan suk ha ki sngi ban wan lada hap ban shna noh ia ka lynti rel ban pynpoi sha Phulbari ka bynta jong ka West Garo Hills District.
Na ka liang jong u Conrad u la ia kren ruh ia ka jingdon kam hapoh jong ka station rel kaba don ha Mendipathar North Garo Hills District ba kane ka jaka sangeh rel ka dang don kam ia shibun ki jingdon kam. Ha kane ka jingiakynduh la ong ba kane ka lynti rel kala ia rap shibun ia ki briew ha ka ioh ka kot.
Haba ia dei bad ka jingkren jong u MP ka Tura na ka liang jong u myntri ka sorkar pdeng u la shah skhor bad u la ai ka jingkular ba un sa peit ia kane ka jingdon kam bad un wad ki lad ki lynti kumno ban weng ia kine ki jingeh kaba ki paidbah kane ka thain ki ia kynduh.
