Shillong, Naiwieng 29: Ka jingpynrung kyrteng ia ki briew ha ka electoral roll kala iaid sha khmat bad na ka liang jong ka seng Khasi Student Union mynta ka sngi kala leit ban ia kynduh ia u Chief Electoral Officer jong ka tnad Election jong ka jylla u Bah FR Kharkongor ban pynpaw ia ka jingpyrshah ka jong ki ia ka jingioh rung kyrteng ki bor jylla ha ka Electoral roll.
Ha kane ka jingiakynduh na ka liang jong ka seng KSU kala pynpaw ia ka jngpyrshah jong ka ia ka jingioh lad jong ki briew ki bym dei ki trai shnong ban ioh rung ha ka electoral roll da ka jingpyrshang ka jong kid a ki lad ki lynti kiba bun jaid da kaba shim kabu ia ki jingduna kiba don,
Na ka liang jong ka seng KSU kala kdew ruh ia ka jingong jong u CEO ban pynrung kumba shilak ngut ki briew da kaba ia treilang bad ki seng sain pyrthei. Haba ia dei bad kane na ka liang jong u CEO u la pynshai ba kane ka jingbuh thong kam dei kaba ki kwah ban pynrung hynrei ka don ka jingduna ha kaba bun ki briew kim shym la pyntung ia lade sha ka electoral roll bad kito ki ban sa kynjoh sha ka 18 snem ka rta.
Na ka liang jong ka KSU kala kylli haba ia dei bad ki seng sain pyrthei hato ki lah ban shim ia ka rai iano ban pynrung kyrteng haka electoral roll, haba ia dei bad kane na ka liang jong ka ophis jong u CEO u la ong ba ka kamram jong ki seng sain pyrthei ka long ban pynsngewthuh ia ki briew ha kaba ia dei bad ka jingdon kyrteng ha ka electoral roll ki kim lah ban pynrung briew.
Ha kane ka jingiakren ka seng KSU kala buh ruh ka jingkylli ha kaba ia dei bad kito kiba la heh ka rta sha ei ki jah baroh shikatta bad balei kim treh ban don ia ka dur thep vote, haba ia dei bad kane kala don ka mashin ban peit ia don kiba don kyrteng ha ki ar jaka bad lada don kiba kum kine kane ka mashin kan weng hi ia ka kyrteng jong ki briew. La ong ruh ban a ka liang jong ka ophis kala leh ia kaba don kam ban weng ia kito kiba don ka jingartatien ia ka kyrteng jong ki.
Haba ia dei bad kane ka thong ban pyndap shilak ngut ka long tang ka jingbuh thong bad kin leit sha ki nongkyndong bad ban pynrung ia ki khynnah kiba la dap 18 snem lada kam poi kata ka thong kaba la buh ruh kam pher. Na ka liang jong ka seng kala ban jur ba ka sorkar ka dei ban shim na ka khana samari jong u snem 2011 ha kaba pynrung kyrteng ia ki briew sha ka electoral roll.
Ha kane ka sngi kala don ka jingiakren ruh hato kito kiba la don ia u Aaadhaar number u la lah ne em ba ioh rung ha ka electoral roll, ha kaba ia dei bad kane na ka liang jong u CEO u la pynshai ba ka sorkar ha Meghalaya kam pat pdiang ia u Aadhaar.
