Ha ki khlieh nongsynshar pynshai u Bah John ia ka jingiakren bad ki MDC ia ka IOA

Shillong, Jylliew 17: Ka Dorbar jingialang jong ka Federation of Khasi States kaba la ia kynduh ha Lumjingsuk, Shillong mynta sngi hapoh ka jingpyniad u Bah  John F Kharshiing, Chairman, Ka Dorbar Ki Khlieh Nongsynshar Ka Ri Hynniewtrep, bad Spokesperson, Federation of Khasi States.

Ha katei ka jingialang la ioh ia ka kaiphod na u Bah John F Kharshiing, Spokesperson, FKS, halor ki rai ki jingaijingmut bad halor ka power point presentation kaba u la ai sha ki dkhot ka Advisory Committee on Legislation and Legal issues, ha ka 4tarik June 2019 ha ka khmat ki MDC.

U Bah John F kharshiing u la ong ba katei ka jingialang kaba kynthup ia ki nongialam ka EC KHADC ha ryngkat ki MDC ba bun ki la rai ba ki dulir jingiateh bad ki jingkular (Instrument of Accession bad Annexed Agreement) 17 August 1948 ki long kiba kongsan ha kaban iada ia ki hok jong ka jaidbynriew, bad ka dorbar FKS ka la rai ban buddien ban bteng ia ki jingiakren jingiasyllok bad ki bor KHADC kum shibynta ban thaw ki lad ki lynti ban ioh ka jingithuh kaba shai hapoh ka Constitution Ri India ia ki bor Dorbar Kur, Dorbar Shnong, Dorbar Raid, bad Dorbar Hima.

Kum shibynta ban pynkhlain shuh shuh ia ka Federation of Khasi States ki Khlieh Nongsynshar ki la rai ban thung ia ka Advisory Board bad ka Executive Committee jong ka Federation of Khasi States.  La jied ia u Paiem Dr Balajied S Syiem, Syiem Hima Khyrim, Paiem Niandro Syiemiong, Syiem Hima Maharam, Paiem Phrester M Syiemlieh, Syiem Hima Nongkhlaw, Paiem Phylla Syiem, Syiem Hima Nongstoin, Bah Harlinjai Skhemlon, Sirdar Hima Mawdon, Paiem H. Wahlang, Syiem Hima Jirang, kynthup u Bah John F Kharshiing, kum ki dkhot jong ka Advisory Board ka FKS.

Ha ka juh ka sngi la jied ruh ia ki nongkitkam thymmai kiba long Paiem Kestonbel Manik Syiemlieh, Syiem Khynnah Hima Nongkhlaw President, FKS, Paiem Kynsai N Syiem, Syiem Hima Bhowal, Vice-President,  Bah H L Ryntathiang, Lyngdoh Hima Lyngiong, General Secretary, FKS, Paiem Habapan S Syiem, Syiem Khynnah, Hima Khyrim, Joint Secretary, Paiem W Syiem, Sirdar Hima Nongpoh, Joint Secretary, Bah P Kharmudai, Joint Secretary, Hima Nongspung, Joint Secretary,  u Paiem Petrick Syiemiong, Syiem Hima Nongspung, Treasurer.

U Bah R Thabah, Acting Lyngdoh Hima Sohiong, u Bah Brassing Dewsaw, Acting Chief Hima Malaisohmat, u Paiem Nobester Syiem, Syiem Hima Mawiang, u Bah Lamphrang Wanshnong, Acting Sirdar, Hima Dwaranongtyrnem, u Paiem Ainam Acting Syiem Hima Mylliem, Syiem Sohra, Syiem Langrin, Lyngdoh Mawphlang, kum ki dkhot Executive Committee bad u Bah John F Kharshiing, kum u Adviser & Spokesperson, Federation of Khasi States.

Hadien katei ka jingialang kitei ki rangbah ki la rai ruh  ban pynbeit ia ka jingkynduh bad ki bor KHADC ban iakren ruh halor ki jingtynjuh kiba bun kiba mih na ki jingtyngkhuh ki Ain ka Ri India bad ki rukom synshar hapoh Ri Khasi.

Haba pynkut ka ioh jingkren na u President thymmai ka FKS u Syiem Khynnah Hima Nongkhlaw bad na u Adviser ka FKS, kiba la ai khublei ia ki rangbah baroh kiba la buddien ia kine ki hok jong ki Hima Khasi bad u la ong ba ka por kan sa poi ha kaba ki khun ki hajar kin sa sngewthuh shai ia ka jingkordor ka jingpruidak ki Syiem naduh ka jingiakhun u Syiem Tirot Sing u Kiang Nongbah kaba ba dang bteng haduh kine ki sngi pyrshah ia ki Ain kiba mih ban thombor ia ki hok jong u khun u hajar.

 

What Next?

Recent Articles

Leave a Reply

Submit Comment

*