Ha kine ki san snem duna ka KHADC kala ioh saw ngut ki Chief Executive Member

Shillong, Naiwieng 23: Ka iing dorbar jong ka Khasi Hills Autonomous District Council ha dien ka ilekshon, naduh ba la sdang ia ka iing dorbar ha ka 08^th Lber 2014 haduh mynta kala ioh saw ngut ki Chief Executive Member, u bah Ardent Miller Basaiawmoit, bah Adelbert Nongrum, Bah Pynshngianlang Syiem bad u bah H.S Shylla ba ka por jong u kan kut ha u Rymphang 2019.

Ha dien ka ilekshon MDC, ka seng HSPDP kala jop bun eh ki MDC bad lajied ia u Bah Ardent Miller Basaiawmoit  kum u CEM jong ka iing dorbar h aka 08^th Lber 2014 bad u la neh ha kane ka kam haduh ka 30^th Nailur 2014.

Ha dien jong u Bah Adrent , ka iing dorbar kala jied ia  u Bah Adelbert Nongrum kum u CEM ba thymmai ha ka 08^th Risaw 2014 bad u la neh ha kane ka kam kum u CEM haduh ka 15^th Jymmang 2015.

Na dien jong u Bah Adelbert, ka iing dorbar kala jied ia u Bah Pynshngianlang Syiem kum u CEM haka 15^th Jymmang 2015 bad u la neh ha kane ka kam CEM haduh ka 15^th naitung 2018.

U Bah HS Shylla u la wan kum u MDC jong ka KHADC da kaba jop ia ka ilkeshon shiteng samoi bad u la shah jied kum u CEM jong ka iing dorbar ha ka 13^th Jymmang 2018 bad u dang beteng ia kane ka kam CEM haduh mynta.