Ha u bnai Rymphang yn ia kynduh u Amit Shah ia ka sorkar bad seng bhalang halor ka ILP ha Delhi

Shillong, K. Lyngkot 23: U myntri kam poh iing ka sorkar pdeng u Amit Shah lyngba u myntri rangbah ka jylla u Conrad K Sangma ban pyntip ba un ia kynduh ia ka sorkar bad ki seng bhalang ban ia kren halor ka jingdawa ILP ha u bnai Rymphang ban wan ha Delhi.

U myntri rangbah ka jylla u Conrad K Sangma haba kren ha ki lat pathai khubor u la ong ba katei ka dei ka khubor ka ba u myntri kam poh iing ka sorkar pdeng u la phah lyngba jong u ban pyntip sha ki seng bha lang.

U myntri rangbah u la ong ba ha ka jingialang ka ba 69th jong NEC ka phang ia kren ka ba ha khmat eh ka long halor ka jingjingia kajia pud ki jylla NE bad ka jylla Assam, ki jylla kiba Shah ktah ha ka jingia kajia pud ki kwah ban ia pynbeit noh.

u Bah Robertjune Kharjahrin shongknor ka COMSO u la pynpaw ia ka jingsngewdiaw ba Kim shym la ioh ban ia kren hynrei kila ioh tang ban ai ia ki Dorkhas, kin iai ap ia kata ka jingia kynduh kaban long ha Delhi ban ia kren ia ka jingdawa ILP.

u ban W. Rani president jong ka FKJGP ryngat bad kiwei ki kynhun seng bhalang la ong ba kin leit sha Delhi lada ka jingiakren kan long beit tang ia ka ILP, la pynpaw ia ka jingsngew diaw ia ka rukom ia kynduh ia u Amit Shah myntri kam poh iing ka sorkar pdeng mynta ka sngi.

What Next?

Recent Articles

Leave a Reply

Submit Comment

*