Shillong, Lber 11: U myntri ba dei peit ia ki kam pynroi sor jong ka jylla u Bah Hamlet Dohling, haba jubab ia ka jingkylli bala buh da u Bah Process T Sawkmie halor ka jingbei pisa jong ka sorkar Punjab sha ki briew kiba don ha Them Motor, na ka liang jong u myntri u la iathuh hapoh ka iing dorbar ba kala don ka jingbei pisa na ka sorkar Pynjab bad kane kala jia ha u snem 2015 bad ha u snem 2016.
Na ka liang jong u myntri u la pynshai ba ha u snem 2015, ka sorkar Pynjab kala bei pisa T.1.50 lak tyngka ba ja bynta ban iarap ia ki 10 ngut ki riewkynthei kiba don kam ia ka jingsumar kiba la duh ia la ki kurim jong ki. Ha u snem 2016 ka sorkar Pynjab kala bei pisa T.10 lak tyngka na ka bynta ban shna ia ka skul Guru Nanak ha katei ka jaka.
Haba jubab ia ki jingkylli bynrap jong u MLA ka Mawlai, na ka liang jong u myntri ba dei peit ia ki kam pynroi sor u la ong ba ia kane ka pisa la phah beit beit sha ka ophis jong Deputy Commissioner jong ka East Khasi Hills District bad ia kane ka pisa la dep ban pyndon kam da kito kiba dei ban ioh bad kila dep ai ruh ia ka jignpynshai ba la pynlut ua kane ka pisa.
Na ka liang jong u myntri rangbah ka jylla u Conrad K Sangma haba jubab ia ki jingkylli jong u MLA ka Nongpoh bah Mayralborn Syiem haba ia dei bad ki skhim jong ka NEC, u myntri rangbah u la ong ba ha u snem 2017-2018 ki skhim kiba la ioh na ka NEC ki long 24 tylli bad na ka bynta u snem 2018-2019 ki long lai tylli.
U ba ka jingduna ki skhim na ka bynta u snem 2018-2019 ka dei na ka daw ba la wanrah ia ka jingpnyklla ha ki kyndon pyntrei kam ia ki skhim hapoh jong ka NEC bad haduh mynta ka Kommittee ba dei peit ia ki skhim haduh mynta kam pat ia kynduh, la ong ba ia ki skhim yn sa iathuh ynda la ioh ia ka jingmynjur ban iathuh mynta kan nym long.
