Haduh mynta ki pulit kim pat ioh kem ia kiba bom ia ka kong Agnes, dang shu rah ar ngut

Shillong, Naiwieng 09: Halor ka jingshah shoh jong ka kong Agnes Kharshiing bad ka Anita Sangma ha ki riew sniew ha Sohshrieh ki pulit haduh mynta ka sngi kim pat kem iano iano ruh, hynrei kila shuh rah ia ki ar ngut ki briew na jan shnong Kongong mynta dang step.

Katkum ki lad khubor kiba la lah ban ioh la iathuh ba mynta ka sngi dang step phyrngap ki pulit kila leit ban khynra ia ka thain Kongong bad ki shnong kiba don sawdong jong ka bad ha kane ka jingkhynra ki pulit kila rah ar ngut ki briew, kiba la shah rah ki long  u bah Elphone Dkhar 22 snem bad u Bah Meklison Siangshai.

Halor kane ka jingshah shoh ka kong Agnes bad ka Anita, na ka liang jong ki pulit mynta ka sngi kila register ia ka mukotduma hapoh jong ka Khliehriat Police Station bad ka number jong ka mukotduma No. No.195 (11) u/s 307/392 IPC. Kitei ki kyndon ka long ba thmu ban pyniap bad lute.

Haba u SP News Agency u la phone sha ki pulit jong ka East Jiantia Hills ban pynhikna halor ka jingrah jong ki pulit ia kitei ki  ar ngut ki briew ha kaba ia dei bad ka jingshah bom jong ka kong Agnes bad ka Anita na ka liang jong ki pulit kim treh ban kren.

What Next?

Recent Articles

Leave a Reply

Submit Comment

*