Shillong, Lber 14: Ka long ka sien kaba nyngkong ha ka history jong ka jylla Arunachal Pradesh ba ka liengsuin thma IAF C-17 mynta ka sngi kala lah ban hiar ha ka kad lieng suin Tuting ha Arunachal Pradesh.
Ki nongniah ia kane ka lieng suin kaba la lah ban hiar ha katei ka jaka hapdeng ka jingsuk, ia kane ka lieng suin la niah da u kopten K Rama Rao, u Wing Commander Amiya Kant Patnaik, Wing Commander K Trivedi bad u squadron Ldr L Nayak . Kane ka kad lieng suin ka don ha pdeng jong ki lum kane ka jingeh kaba ki nongiah ki shem.
Ia kane ka lieng suin thma ka kaba la rip kum ka mammoth C17 Globemaster, la lah ban pynhiar ha kane ka jaka namar ka long kaba la shna ha kata ka rukom ba lah ban niah ia ka wat ha ki jaka lum, nalor kata kadei ka jingtbit ruh jong ki shipai suin kiba niah ia ka.
Ha dien ba la hiar kane ka lieng suin thma ha kane ka jaka la pyrshang ruh ba kit jingkit na kane ka kad lieng suin sha kiwei pat ki kad lieng suin bad la shem ba ka long kaba iaid beit bad kane ka kren shai kdar ba ka lieng suin C-17 ka lah ban kit ia ki briew bad ha ka juh ka por ban pyndon ka ha ka jingialeh ruh kum juh ong ka khubor na ki shipai
