Shillong, K.Lyngkot 19: U Myntri Rangbah ka jylla u Cornad K Sangma mynta ka sngi u la pyntip ba la shai ka sngi ka 20/1/2023 ryngkat bad u mytnri rangbah ka jylla Assam u Hemenata Biswa Sarma kin ia kynduh ia u mytnri kam poh iing ka sorkar pdeng u Amit Shah ban ai ia kaiphot ha kaba ia dei bad ki kam pud hapdeng ka jylla Meghalaya bad Assam.
Haba kren ha ki lat pathai khubor u myntri rangbah ka jylla Meghalaya, la aithuh ba ka jingiailang jong ka Kabinet mynta ka sngi kala pdiang ia ka kaiphot jong ki lai tylli ki Regional Committee kiba na ka jylla bad kum juh na ka jylla Assam bad ia kane yn ai sha u mytnri kam poh iing ka sorkar pdeng ha kaba kin ia kynduh la shai ka sngi ha Delhi.
Ha kane ka kaiphot kaba kila ioh pdiang ka long ba baroh ki shnong kiba hap ha kine ki 6 tylli ki jaka ba ki dang iakren ban ia pynbeit ki don 36 tylli ki shnong bad ka jingheh haba khein kyllam ka jaka kan long haduh 36.79 akar ia kaba kin aiti sha u myntri kam poh iing ka sorkar pdeng.
Ha dien ba ki ar jylla kila ia pdiang kane ka kam kan poi sha ka parliament ban leh ia kaba don kam, namar ban pynbeit ia u pud u sam dei ka kam jong ka parliament, bad kiwei kiwei ki kam ki sa but ha kaba ia dei bad kane ka kam pynbeit pud.
