Shillong, Kyllalyngkot 27: Mynta ka sngi kaDistrict Legal Services Authority, East Khasi Hills District kala pynlong ia ka jinghikai hapoh shnong Smit halor ka phang “Bridging the Gap and Reaching Out”. Ha kane ka sngi la wan ban ia shimti da u nongbishar jong ka District Session Judge, East Khasi Hills District, u bah A. Kharumnuid, Sordar jong ka shnong smit u bah K M Syiem bad kiwei.
Ha kane ka sngi palat hajar ngut ki briew na ki shnong ba marjan jong ka shnong Smit kila ia wan ban ia shim bynta lang bad ka jinghikai ka long ha kaba ia dei bad ki skhim jong ka sorkar kaba ia dei bad ki paidbah bad ban tip hato ki skhim ki leit hok ne em sha ki ba dei hok ban ioh ia ki.
Ha kane ka sngi la pynshai sha ki paidbah ia ki jaid skhim kiba bun jaid bad na ka liang jong ka National Legal Services Authority, kala bethah ban pynlong ia ki jingialang paidbah ban pynsngewthuh bad ba pynshai ba ki paidbah ki dei ban sngewthuh iaka hok kaba kid ei ban ioh kumba la kdew hapoh jong ka riti synshar jong ka Ri.
Baroh ki shnong kiba la ia poi sha kane ka jinghikai ki long na ki 22 tylli ki shnong kiba don sawdong jong katei ka thain, ha kane ka sngi la buh ruh ia ki dukan ban pyni paidbah ia ki skhim kiba ka sorkar ka don ban leh na ka bynta jong ki paidbah.
