Shillong, Naitung 18: Mynta ka step u president jong ka Hills Farmers Union (HFU) u bah Commander Shangpliang bad ki dkhot ka seng ki la leit sha Anjalee Parking Lot ka jaka die jhur lang ban hikai ia ki nongrep ban pyniajngai iwei na iwei ha kaba ki wan ban die ia ki jhur jong ki ha kane ka jaka.
Na ka liang jong u Bah Commander u la pynsngewthuh ia ki nongwan die jhur ha kane ka jaka ba ki dei ban sngewthuh ba balei ka sorkar ka pynmih iaki jingbthah ba don kam ban pyniajngai iwei na iwei, ka long ban iada ia lade na kane ka khlam COVID-19 kaba la lynshop ia ka pyrthei bad ia ka jylla ruh kum juh.
Kine ki nongialam ka HFU kila ia kren bad ki nongrep bad kum juh bad ki nongwan thied jhur na katei ka jaka die lang ba kin kohnguh ia kaei kaba ka sorkar kala bthah na ka por sha ka por ban dup lah ban teh lakam ia ka jingsaphriang kane ka khlam.
Lah ban pynkynmaw ba ki bor ba dei peit ia ka District Administration kala khang teng ia kane ka jaka dielang ia ki jhur ka daw ka long ba ki nongwan die bad ki nongthied kim burom ia ka jingbthah jong ka sorkar ba pyniajngai iwei na iwei.
