Shillong, Nailar 31: Ki dkhot jong ka State Development Reforms Commission (SDRC), hapoh ka jingialam jong ka Chairman, Ka B. R. Sangma, hakaba la ia don lang u SR Marak Co-Chairman, lem bad ki dkhot jong ka Commission kila leit ban jngoh ia ka West KHasi Hills District.
Ha kane ka jingleit jong ka Commission kila ia kynduh ia u Deputy Commissioner jong ka West KHasi Hills District u Arunkumar Kembhavi ban ia kren halor ki skhim kiba la pyntrei hapoh jong ka District kiba dei jong ka sorkar pdeng.
Ha kane ka jingiakynduh la ia kren, ia ki skhim kiba kiba dang sah bad ia ki jingeh kaba ia kynduh bad kumjuh ia ki skhim kiba la shu sah kut. Ha kane ka sngi na ka liang jong ka Commission kala ia kynduh ruh ia ki katto katne ngut ki briew kiba la ioh ia ka jingiarap.
Kane ka Commission kala sah ar sngi ha katei ka District ban sngewthuh ia ka jingpyntrei kam ia ki skhim kiba la leit ban pynpoi sha katei ka District. Ha kane ka sngi la don ruh ki ophisar na ka District ban ia kren ia ki kam kiba la pyntrei hapoh ka District.
