Shillong, Nohprah 17: Ka tamasa leh kmen kaba ar sngi ia laba la tip kum ka “ Dimchrang Winter Festival” ia kaba la pynlong da ka “A Rendevouz with Culture” kala kut ha ka sngi Saitjain ha kaba da ki hajar ngut ki paidbah kila ia wan ban ia shim bynta ha kane ka jingleh kmen.
Ia kane ka jingleh kmen la pynlong da ka Ampati Arts & Cultural Society, ha ka jingiatreilang bad ki bor ba dei peit ia ka District Administration. Ha kane ka jinglehkmen ki samla kila ioh ia ka lad ban pyni iala ka jong ka sap ka phong kaba don don.
Ha kane ka sngi u myntri rangbah ka jylla u Dr Mukul u la ia rwai lang bad u Amit Pual ia ka jingrwai jong u Kishore Kumar’s kaba la tip kum ka “Kabhi Alvida naa kehna”. Kane ka jingiashim bynta jong u myntri rangbah ban ia rwai lang kala dang pynshong shit shuh shuh ha kane ka sngi.
Ha ka jingkren jong u myntri rangbah kane ka sngi u la ong ba kum kine ki jingleh kmen ka long ban ialad ia ki khun samla ba kin pyni iala ka jong ka sap ka phong kaba ki don. Da kaba ia don lang ruh kiba la paw na kylleng jong ka Ri ha ka rawai ka siaw. Kane ka jingleh kmen ka long ruh ban khring ia ki nongjngohkai pyrthei sha Garo Hills.
