Iap biang ki dohkha ha wah Ranikor dawa tohkit ka KSU SWKH District da ka kynhun ba laitluid

IMG-20180122-WA0012Shillong, Kyllalyngkot 22: Ka seng samla pule ka Khasi Student Union (KSU) jong ka South West Khasi Hills hapoh ka jingialam jong u samla Marcony Thongni u la dawa ba ka sorkar ka dei ban phah tohkit ia ka jingiap jong ki dohkha hapoh jong ka wan Ranikor bad ka jingtohkit ka dei ban long da ka kynhun ba laitluid.

Haba kren ha ki nonghtoh khubor mynta ka sngi na ka liang jong ki nongialam jong ka seng KSU kila ong ba ka jingkylla rong jong ka wah Ranikor kala pynlong ia ka jingiap jong ki dohkha ha katei ka wah.

Ha ka 19 tarik mynta u bnai ki dkhot jong ka seng KSU kila leit ban jurip ha katei ka wah ha kaba kila lap ba da ki hajar tylli ki dohkha kila iap bad per ha jrong ka um hapoh jong katei ka wah. La ong ba kane ka wah kala kyllarong na ka rong suinbeng sha ka jyrngam kane kala jia naduh ka 5 tarik mynta u bnai.

Ki nongialam jong ka seng KSU kila ong ba ia kum kane ka jingjia ba iap ki dohkha ha katei ka wah la lap nyngkong ha u snem 2010. Na ka liang jong ka seng KSU kala ong ba lada ka sorkar kam sngap ia kane ka jingdawa jong ka seng ka seng kam banse ban mudui sha ki bor jong ka pyrthei.

Na ka liang jong ka KSU ka sngew ba lada  kane ka jingiap jong ki dohkha kan iai beteng kumne kan long ka jingma ia ka jingim jong ki briew lada ki leit ban khwai sha katei ka wah bad bam ia ki dohkha la ong u samla Thongni president ka KSU Ranikor Unit.

 

What Next?

Recent Articles

Leave a Reply

Submit Comment

*