Shillo
ng, Naitung 03: Mynta ka sngi ki pulit kila ioh jingtip ba ki don ki lehnoh NDFB bad ki riew dakaid na Garo Hills kumba 10 ngut kiba la leit ban rieh tngen ha ka shnong Tarasin ha East Garo Hills District.
Halor kane ka jingtip kaba ki pulit kila ioh ki la leit ban khynra ia kine ki lehnoh ha katei ka shnong hynrei katba ki dang poi ha shiteng lynti shuwa ban poi ha wei ka shnong kaba la tip kum ka Rongmil kine ki lehnoh kiba kieng tiar ialeh kila siat ia ki pulit bad ki pulit kila pynphai kylla kane ka jingiasiat kala neh tang khyndait por.
Na kane ka jaka ba don ka jingiasait ki pulit kila lap u wei na ki lehnoh jong ka seng NDFB u la kyllon iap ha kane ka jaka bad ia u la iathuh kum u Koma Boro kane kala jia ha ka por hynriew baje mynstep. Na kane ka jaka ba ia siat ki pulit kila ioh ban tam kawei ka suloi AK-47 bad kawei ka Magazine.
Ha kane ka jingiasait bun kiwei pat kila ioh ban phet krad bad ki pulit ki ngiet ba la don bun ngut kiba mynsaw na ka liang jong ki lehnoh. U wei na ki lehnoh ba la ioh ban phet na kane ka jaka la shah bom shnong bad u la khlad noh bad la tip kyrteng kum u Aiti Boro.
Ha kane ka jingiasiat la ioh ba u Rimpu u dkhot jong ka GNLA mynshuwa u la ia don lang bad ki bad ki pulit ki ngiet ba dei ma u ba la pynsaphriang ia ka Video ba ki rah ia ka bus jong ki Forest Guard ha ka por ba dang don ka seng GNLA. Ki pulti ki shim ba dei ma u ba ia lam lynti ia ki lehnoh BDFB.
