Jowai, Naiwieng 16: Ka Seng Khynroo Khyllood Thlongmoo Iooksi kala leit ban pynkup burom bad ai khublei kitbok kitrwiang ia u Samla Nehemaya Tyngkan uwei na ki samla ka shnong uba iakhun election MLA 2018 naka 4 Mowkaiaw LA Constituency.
Ha kane ka sngi la don ka jingiaid paidbah ha ryngkat ka Ksing ka dhah bad ka risa ka kynhoi shilynter lynti naduh na Iaw Pyngkat Thlongmoo, Iooksi haduh ha ka Iingsah u samla Nehemaya Tyngkan ha Iooksi Iapkhla ha ryngkat ka jingsynran lang daki phew ngut ki dkhot ka Seng Khynroo Khyllood Thlongmoo.
Ia kane ka jingiaid paidbah bad khublei kitbok kitrwiang ia u ma Nehemaya , la ialam da u samla Niawki Iakai President Ka seng ha ryngkat ka jingiadon lang u General secretary ka Seng u samla Barmon Tariang, u chairman shnong ka Iooksi Kyanmynsar U ma F.Syrti, u Waheh chnong Umdilien u ma Bikram Lyngdoh, U Secretary Shnomng Iooksi Iapkhla u ma H. Pachiang bad kiwei pat ki riew rangbah ka shnong.
Ha kane ka sngi la aiti ruh ha u ma Nehemaya daka Song Tyngka kaba la ia nohsynniang daki dkhot bad ki nongshong shnong ka Dong kum shibynta ban iarap ia u Samla Nehemaya Tyngkan , nangta la pynkup burom ruh ia une u samla da u Syntiew kaba long kum shibynta ban pynkup burom ia une u samla ka shnong uba la nud wat ban ia aireng pyrshah ia kiwei pat ki para candidate kiba dei ki heh spah suda watla ia ia lade wan naka long iing kaba duk ruh.
” Ka jingthmu kaba kongsan hi ka long ban pynshlur ia une u samla ka shnong bad ruh pynehdaw pyneh rngiew ban kitbok kitrwiang ia une usamla ba un poi sha thong” la ong usamla Niawki Iakai President ka Seng.
” ngi kyntu iaki paidbah ban kyrshan tylli ia u samla Nehemaya Tyngkan bad ban pynjop donburom ia u namar une u samla uba don shisha iakata ka sap ban long u nongialam jong ka Ri bad ka Jaitbynriew khamtam uba shahshkor bad uba don ka mynsiem ban iarap iaki paidbah kiba duk badkiba donkam iaka jingiarap na u nongmihkhmat” la ong samla B.Tariang General Secretary ka Seng. .
Na ka liang u Samla Nehemaya ula ai khublei iaka Seng Khynroo Kaba la ai mynsiem ia u ban ia khun shakhmat haka election 2018 bad kaba noh synniang lang ruh daka pisa ia u.” kane ka long ka history kaba sah kynmmaw junom la junom haka thain 4 mowkaiaw hi baroh kawei namar kadei ruh ka sien nyngkong duh ba da u paidbah uba ai iarap daka pisa ia u kyrtong ” la ong samla nehemaya Tyngkan.
“Nga sngewduh mynsiem bha ialade haba nga iohi bakiwei ki para candidate ki la theh jingiarap sha ki paidbah dakaba shna madan phutbol, shna surok bad ai bai dawai dashin, bad wat ban ai bai leit bamdoh bam picnic ruh, katba nga ialade pat ngam ioh ban ai eiei, hynrei mynta ka sngi nga la ioh mynsiem biang namar nga la iohi ba ki paidbah ki la sdang sngewthuh iaka jingdonkam synshar ka khadar kaba khuid kaba suba kaba lait naka bam pisa ” la ong shuh shuh u samla nehemaya tyngkan.