Ieng pyrshah ki Liang pyrshah ha KHADC ban dei jaka sha ki shipai BSF ha Ri Bhoi District

Shillong, Nailur 10: U bah Lamphrang Blah nongialam ka liang pyrshah hapoh jong ka KHADC mynta ka sngi u la ong ba ki pyrshah jur ia ka jingthmu ban die ia ka jaka kaba don ha Ri Bhoi District kaba heh haduh 8313 akar.

Na ka liang jong ka Congress hapoh jong ka KHADC ka kyntu ia kane ka Executive Committee kaba la ialam da u bah Teinwell Dkhar ba kam dei ban ai ia ka jingbit ban die ia kane ka jaka sha ki BSF kumba la pan jingbit da ka Hima Mylliem.

Kine ki jaka kiba la thmu ban dei sha ki shipai BSF da u bah Deilang Shirup Law, ki jaka kiba hap hapoh ka jingpeit jong ki lai tylli ki shnong ka Nagrabil, Pilangru A bad B kiba hap hapoh jong ka raid Marwet hapoh jong ka Ri Bhoi District.

U bah Ronee V Lyngdoh, nongai ktien jong ka liang pyrshah hapoh jong ka KHADC, u la pynpaw ruh ia ka jingsngew diaw halor ka jingleh bym salai jong kane ka EC kaba mynta ha kaba ia dei bad ka jingthmu ban pynkylla ia ka Sixth Schedule, ha kaba ia dei bad ka kyndon kaba la buh ban thung ia ki kynhun jaid bynriew kiba khlem pat don nongmih khmat.

Haba ia dei bad ka Draft National Education Policy, la ong ba ki LP Skul ki dang hap hapoh ka jingpeit jong ka District Council hynrei kaba sngewsih ka long ba kane ka EC kam shym la leit ban ai jingmut ha kaba ia dei bad kane ka bynta. Kane ka dei ba kane ka EC kaba mynta kam don jingkit khlieh.

 

 

What Next?

Recent Articles

Leave a Reply

Submit Comment

*