Shillong, Nailur 7: Ka ophis jong ka Deputy Commissioner jong ka East Khasi Hills District kala ai jingbit ia ka party Congress ba kan pynlong ia ka jingialang ban pdiang burom ia u bah Vincent H Pala kum u president ka MPCC ha ka 18th Nailur 2021.
Ki khubor na ka MPCC kila iathuh ba ia kane ka jingpdiang burom ia u president ka MPCC kan long ha ka State Convention Centre khang ban dup lah ban but ia ki kyndon kiba la buh da ka ophis jong ka Deputy Commissioner jong ka East Khasi Hills District.
Ka AICC kala thung ia u bah Vincent H Pala kum u president ka MPCC ha ka jaka jong u Dr. Celestine Lyngdoh kane ka jingbujli jong ka AICC ia u president ka MPCC kan logn kaba don kam ha kane ka khep namar ka ilekshon sha iing dorbar thawain ka jylla kala hajan.
Kane ka jingthung ia u bah Pala kum u president ka MPCC ba dei u MP jong ka Shillong ka long ban pynkhlain ia ka party kum ka jingpynkhreh ia ka MLA ilekshon sha ka iing dorbar thawain ka jylla kaba ban long ha ba sdang u snem 2023.
