Ka AJYWO kam  lah ban pdiang ba don tang 1264 ki bar jylla kiba khaii Jaiñtia Hills

Jowai, Jylliew  16:  Ka AJYWO Central Body, katkum ka RTI, ka la lap ba don tang 1264 tylli ki Trading Licences jong ki Non-Tribal kiba la wan pynthymmai ia ki Trading License jong ki ha Ri Jaiñtia, bad ka JHADC ka la ioh lum khajna haduh kumba Rs. 1,21,13,652/- tyngka na kine.

Kine ki Non-Tribal kiba la ioh Trading Licenses ki don ia ki jaka khaii ha ki shnong kumne harum, Byndihati-1, Chiehruphi-7, Caroline Colony-1, Dawki-3, Dkhiah East-32, Dkhiah West-6, Ialong-2, Iawmusiang-  59, Khliehriat-17, Khliehriat East-78, Khliehriat West- 116, Ladrymbai-11, Ladrymbai B-158, Ladrymbai Datsimpein-102, Ladrymbai Dongwah- 85, Ladrymbai Khliehdupon-128, Ladthadlaboh-16, Lumshnong-41.

Mihmyntdu-3, Mihmyntdu B-1,Mission Compound Jowai-1, Mookhep-1, Mookyrdup-1, Moolamylliang-6, Moopala-5, Muktapur-1, Musiang Lamare-7, Mynkre-25, Nartiang-2, New Hill–  32, Nongsning-10, Ratacherra-1, S.J. Road Jowai-1, Sookilo-21, Sunapur-1, Sutnga-1, Thadlaskein-1, Thangskai-45, Tongseng-9, Tympang Club-7, Umkiang-33, Umlaper-4, Ummulong-2, Wahiajer-1, Wapungskur-1, 7mer (Pasyih)-17,Phramer-43 bad 118 tylli ki Trading Licences kiba ioh ban khaii ha bun tylli ki shnong na kawei ka Licence.

“Ngim lah ban pdiang ba don tang 1264 ki bar jylla kiba khaii haduh mynta ha baroh kawei ka Ri Jaiñtia. Shaei jah ki Trading License jong ki  bun bun hajar tylli ki dukan Non-Tribal ha Ri Jaiñtia? Ka jingduna palat ki dukan Non Tribal ba don Trading License ka pyni ba ka JHADC kam shym la lah ban pyntreikam ia ka aiñ ‘The Jaintia Hills Autonomous District (Trading by Non-Tribal) Regulation (Act), 2011”, ong u Bah Reachingson Siangshai, Vice President jong ka AJYWO Central Body.

Ka seng ka pynpaw ruh ba kine ki bar jylla kiba don ia ka Trading Licence ki khlem bud ia ka kyndon (Rule) 9 jong ka ‘The Jaintia Hills Autonomous District (Trading by Non-Tribal) Rules, 2015’, kaba ong ba kiba don ia ka licence ki dei ban teh ha ki dukan jong ki, khnang ban tip ia ka jingdon Trading Licence jong ki. Don aiu sha lyndet ba ka JHADC ka khlem shim khia ban pyntrei kam ia kane ka kyndon ruh, khnang ba ki paidbah kin tip ia ki dukan kiba la don Trading Licence”

“Hato ka JHADC kam tip ba jyllei ki dukan bar jylla khlem Trading Licence ha Ladrymbai, Sookilo, Phramer, Khliehriat, thain War, Umkiang, Ratacherra bad kiwei kiwei ki shnong hapoh u pud u sam ka JHADC? ”. Ka jingioh mon ki nongwei ban wan khaii beaiñ bad laitluid hapoh u pud u sam ka Ri Jaiñtia ka buh ia ki trai ri trai muluk ha ka jingma kaba khraw ha baroh ki liang” ong u kyrwoh na ka AJYWO.

“Ka AJYWO ka dawa jur na ka JHADC ban khynra bad khang lut ia baroh ki dukan jong ki bar jylla ki bym don Trading Licence bad ruh ban hukum ia kito ki bar jylla kiba don Trading Licence ban teh ha ki dukan jong ki ia ki Trading License jong ki.  Ka seng kan sa iakynduh ruh ia u CEM jong ka JHADC ban ai ia ka dorkhast ha kaba iadei bad kane ka bynta. Ka seng ka la byrngem ruh ban file da ka PIL lada jia ba ka JHADC kam shym pyntrei  kam pura jong ka aiñ ba dei peit ia ka khaii kaba jong ki Non-Tribal ha Ri Jaiñtia”, pynkut ka kyrwoh na ka seng.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet