Shillong, Jymmang 18: U Presid
ent jong ka National People’s Party u Conrad K Sangma mynta ka sngi u la leit ban ialap elekshon na ka bynta u kyrtong ka seng u Clement G Momin sha Ampati Constituency ha kane k elekshon shiteng samoi ka ban long ha ka 28 tarik mynta u bnai.
Ha kane ka jingleit ialap jong u Conrad u ba dei ruh u myntri rangbah ka jylla, u la leit ban kren ha ki lai tylli ki jaka ka Chirinpara, Bandalkona bad Kumligaon. Ha ka jingkren ka jong u la ong ba lada ki paidbah ki pynjop ia u kyrtong ka NPP kan trei naka bynta wan ban rah ia ki kam pynroi hapoh jong ka Konstitwnesi.
U Conrad u la pynpaw ia ka jingsngew kyndit ka jong u namar la niew ia ka Ampati kum ka konstitwensi kaba la kiew ha baroh ki liang, hynrei kaba lyngoh ka long ba kane ka konstitwensi ka dang duna ha ki jaka pule, ki jaka ai jingsumar ha ka koit ka khiah bad ki lad ki lynti ia ki nongrep bad kum juh ia ki khun samla ha kiba bun ki liang.
Ha kine jingialang paidbah, u Conrad u la pynkynmaw ba ha ka por jong ka Indira Gandhi bam kwai ha dwar u blei ka party Congress kala synshar la jan baroh ki jylla ha ka Ri India, hynrei kane ka jingialam jong u Rahul Gandhi kala congress kala lah ban synshar tang ha ki ar tylli ki jylla.
Haba phai sha ka NPP, u la ong ba ka seng ka dang dei kaba thymmai hynrei mynta ka kane ka seng kala don ha ka bor synsahr ha ki lai tylli ki jylla, ha Manipur Nagaland bad Meghalaya, kumba ka long mynta ki paidbah kila kyntait ia ka seng congress wat ha kane ka jylla Meghalaya, la ong u Conrad.
La ong ba ki don ka jingshaniah ha ki paidbah jong ka Ampati bad ki paidbah kin vote ban wan rah ia ka jingkylla bad u kyrtong ka seng NPP u Clement un don ha ka sorkar. Ka seng NPP kan trei khlem da don kano kano ka jingniew shiliang khmat iano iano ruh la ki dei na kano kano ka niam ne jaidbynriew.
Ha kine ki jingialang paidbah u nongialam jong ka seng NPP, u Conrad u la ong ba ka Ampati kala ai ka jingshaniah ha u Dr Mukul Sangma 25 snem, hynrei ha kine ki snem ym shym la lah ban leh ei ei dei na kata ka daw ba u sa iehnoh ia ka Konstitwensi. Halor ka jingkem jong u Dr Mukul ba ka sorkar kan khyllem ha dien kane ka elelction shiteng samoi ka dei tang ka jingpoh sniew. U Cornad u la ong ba ha dien kane ka elekshon kan sa dong ka jingiashrud hapoh ka seng Congress.
Ha kine ki jingialang paidbah u Conrad u la ong ba lada ka NPP kan jap kan trei na ka bynta ka roi ka par ha baroh ki liang. Kiwei ki nongialam ka seng NPP kiba la ia don lang ha kane ka jingialang elekshon ki long u Nihim D. Shira ha ka jingia don lang u kyrtong ka NPP u Clement G. Momin, u Thomas Sangma, CEM ka GHADC Dipul Marak, Deputy CEM Dolly K. Marak, u MLA ka Bajengdoba u Pongseng Marak, Rakkam A. Sangma MLA, u kyrtong barim jong ka BJP u ba la ia khun na Ampati u Bakul Hajong bad kiwei kiwei.
