Shillong, Jymmang 31: Ka MLA kaba dang shu jop mynta ka sngi na ka 53-Ampati Konstitwensi ka Miani D Shira ha ka jingkren jong ki sha ki paidbah ka la ong “ Nga ai burom ia kane ka jingjop ia ka elekshon MLA sha ki paidbah jong ka Ampati Konstitwensi”.
Ka ne ka MLA thymmai jong ka Ampati kala ong ba “ Ka jingbha ka jop iaka jingsniew, ka burom ka leit sha u Blei” kine ki long ki kyntien kiba nyngkong kaba kala kren sha ki paidbah ha dien ba la pynbna ba kala long ka nongjop ha kane ka elekshom shiteng samoi.
Kala ai khublei ia ki paidbah jong ka Ampati namar kila ai kane ka jingshaniah ha ka ban pynkit ia kane ka lyngkor bad ha kane ka jingkren ha khmat ki paidbah kala ai ka jingkular ba kan iai bteng ban trei na ka bynta ka bha ka miat jong ki paidbah.
Ha kane ka elekshon shiteng samoi ka kyrtong Congress kala ioh 14399 but, u kyrtong ka NPP u la ioh 11068 but, u Independent u la ioh 360 but bad kiba thep sha ka NOTA ki long 208 but. Na ki postal ballot ka kyrtong jong ka seng Congress ka ioh 16 bad na ka liang jong u kyrtong ka NPP u la ioh 7.
