Shillong, Naitung 01: Ki nonghikai kiba la wan ban ia khih shong kyllain mungor sha Shillong kaba la neh saw sngi lynter ban dawa na ka sorkar ban kyntiew noh ia ka tulop jong ki nognhikai ha ki skul Adhoc.
Ha dien ka jingiakynduh bad u symbut myntri ranbah ka jylla u bah Prestone Tynsong mynta ka sngi, ki nonghikai hapoh ka lam jong ka Federation All School Teachers of Meghalaya (FASTOM) kila shai kaei ka sorkar ka don ban leh halor ka jingdawa jong ki ha kaba ia dei bad ka tulop.
Ki nonghikai la shai ka sngi kin ia kynduh ha ka por mynstep ban shim ia ka rai bad la sngewthuh ba kine ki nonghikai Adhoc ki lah ban weng noh ia ka jingiakhih jong ki la shai ka sngi namar ba u symbut myntri rangbah la kular ban rah ia kane ka jingdawa ha ka jingialang ka kabinet kaban sa long biang.
Namar bala miet mynta ka sngi ka jingiakynduh bad u symbut myntri rangbah kim shym la lah shuh ban ia kren ha ka jingialng jong ka FASTOM kumta kila shim ia ka rai ba kin ia kynduh beit noh la shai ka sngi ban shim ia ka rai ban pynkut noh ia kane ka jingiakhih ban burom ia kaei kaba kila ioh sngew na ka sorkar.
