Shillong, Risaw 27: Ka jingialang ba kyrkieh jong ki D. El. Ed trainees Batch 2013 kiba kynthup ia ki nonghikai Govt, SSA, Deficit, Adhoc kiba hap hapoh East Jaintia Hills bad West Jaintia Hills District kan long ha ka 29 tarik mynta u bnai ha District Library Auditorium Mynthong Jowai ha ka por 10 baje mynstep.
Ha katei ka jingialang yn ai ia ka report jong ka jingiakynduh bad u Uday Kumar Khanikar Regional Director ka NIOS regional centre Guwahati myn ha ka 25 tarik mynta u bnai kumjuh ruh yn iakren ia shibun ki kam kiba iadei halor ka jubab bala ioh na utei u Regional Director. Kumta ngi kyrpad ia baroh ki trainees ban wan khnang khnang ha katei ka sngi.
