Shillongm Naiwieng 22: Ka Kong Rona Khymdeit EM ba dei peit ia ka tnad ain hapoh jong ka KHADC haba jubab ia ka jingkylli jong u bah Hedrian Lyngdoh halor ka jingiapynlait san shyieng, ka la ong ba ha u snem 2017-2018 kiba la ia pynlait san shyieng lyngba ka iing bishar ki don 277 tylli.
Haba jubab ia ki jingkylli bynrap, na ka liang jong ka EM, ka la ong ba ia kid aw ym lah ban tip namar ia kane ka jingpynlait san shyieng la leh hapoh ka iing bishar. Ka District Council ka shi ai ia ka Laisen, katkum ka Christian Marriage Act 1954.
U bah HS Shylla CEm haba jubab ia ka jingkylli jong u M Mawsor halor ka jingsiew jong ki hima sha ka KHADC ia ka bhah 1/8, u la ong ba ka KHADC la ioh T.15,05,250/- tyngka bad ki hima kiaba la siew ha u snem 2017-18 ki long ka, Sohra, Nongstoin, Rambrai, Langrin Jirang bad Nongjri.
Haba jubab ia ki jingkylli bynrap na ka liang jong u CEM, u la ong ba na ka liang jong ka EC kala thoh sha ki Hima ba kin siew bad lada ki hima kim lah ban siew kin ai da ka jingthoh sha ka KHADC, ki don ruh ki hima ba kala bun ka jinglut ban ia ka jingmih na ka daw ba kim lah ban siew.
Na ka liang jong u CEM u la iathuh hapoh ka iing dorbar ba ha ka jingialang ba dangshen kaba la long ha Madan student ki hima kila pynpaw ba ka KHADC ka dei ban wengnoh ia kane ka jingsiew, ha kaba ka EC ka dang hap ban peit bniah ia kane ka jingdawa jong ki hima.
